የደህንነት መርሆዎች በ ኬ.ኬ.ኤል-ጄ.ኤን.ኤፍ ጫካ ውስጥ

• በጫካ ውስጥ እሳት መለኮስ ያለበት በተመረጡ እና ለዛ የተዘጋጀ ቦታዎች ጋር ብቻ ነው፡፡ ኬ.ኬ.ኤል-ጄ.ኤን.ኤፍ ለመዝናኛና ለስጋ ለመጥበሻ በተለዩ ቦታዎች ያዘጋጃል፡፡
  
• የመዝናኛ ቦታዎችን ሲጎበኙ እባክዎ ለስጋ ለምጥበሻ የተመረጡ ቦታዎችን ይጠቀሙ፡፡ 
  
• እሳት ከመለኮሳችሁ በፊት የነፋሱን ኃይልና አቅጣጫ ያስተውሉ።ያገኛችሁት ቦታ በጣም ገላጣና ጠንከር ያለነፋስ ካለ እሳት አይለኩሱ፡፡
  
• እያንዳንዱ ቅርንጫፎች፣ ቀንበጦች እና ቅጠሎች እሳት ከማቀጣጠልዎ በፊት ከሰጋ መጥበሻው አካባቢ መወገድ አለባቸው፡፡
  
• ተቀጣጣይ የሆኑ ነገሮች ለምሳሌ፡ ነዳጅ ወይም ዘይት እሳቱ ከበራ በኋላ በፍጹም መጨመር የለበትም፡፡ ከተቀጣጣይ ነገሮች የተሰሩ እቃዎች ሊፈነዱ ስለሚችሉ ወደ እሳቱ በፍጹም መወርወር የለባቸውም፡፡
  
• እሳቱ ተቀጣጥሎ እስከሚጠፋ ድረስ በእይታዎ ውስጥ መሆን ይኖርበታል፡፡ እሳቱን በውኃ ካጠፉትና በአፈር ከሸፈኑ በኋላ ምንም ትኩስ ፍም ወይም አመድ እንዳይቀር ለማድረግ እሳቱ መታየት አለበት፡፡
  
•  ወደ ባርቢኪው አካባቢ ትንሽ እሳት ወደ ደኑ ወይም ጫካው እየተስፋፋ ከመጣ፣ ይበልጥ እንዳይስፋፋ ወዲያውኑ መለየት ይኖርበታል፡፡ ይህም የተለያዩ መንገዶችን በመጠቀም ማጥፋት ይቻላል፤ ለምሳሌ እሳቱን በአረንጓዴ ቅርንጫፍ ወይም በብርድ ልብስ በመምታት እንዲሁም ውሃ በማፍሰስ እና መሬት ውስጥ በመሸፈን መከወን ይቻላል፡፡
  
• ወላፈኑ እየተባባሰ ከሄደ ሰዎችና መኪናዎች ከእሳቱ አካባቢ ለቅቀው መሄድ ይኖርባቸዋል፤ ከዚያም ወደ እስራኤል እሳትአደጋ አገልግሎት አጭር የስልክ መስመር 102 ን በመጠቀም መደወል ይኖርበታል፡፡ ወደ ኬ.ኬ.ኤል-ጄ.ኤን.ኤፍ የጫካ መረጃ የስልክ መስመር 1-800-350-550 እሳቱን በገላጣ ስፍራ እንዴት መከላከል እንዳለብን እና እሳቱን እንዴት መቆጣጠር እንዳለብን ዝርዝር መረጃ ለማግኘት መደወል ይቻላል፡፡

• ጫካውን በሚጎበኙበት ወቅትና የጫካውን አገልግሎቶች በሚጠቀሙበት ወቅት እና በሚጎበኙበት ወቅት የግልዎ ደህንነት የራስዎ ኃላፊነት ነው፡፡ እባክዎ የራስዎንና የሌሎችን ደህንነት አደጋ ውስጥ እንዳይከቱ ይጠንቀቁ፡፡ የሚለብሱትን ልብስንና የደኑን አየር ሁኔታና በማጥናት ራስዎን ከዛ ጋር ማመቻቸት ያስፈልጋል፡፡
  
• በኬ.ኬ.ኤል-ጄ.ኤን.ኤፍ ወይም በእስራኤል መንገዶች ኮሚቴ የተመረጡ መንገዶችንና አቅጣጫዎችን ብቻ እንድትጠቀሙ በትህትና ይጠየቃሉ፡፡ የጫካውን መንገዶች ለመኪና፣ ለእግረኞች እና ለሞተር ታስበው የተዘጋጁ ናቸው፡፡ ስለዚህ ተጠንቀቁና እንደሚገባ ይንቀሳቀሱ፡፡ አዳላጭና ጭቃማ ቦታዎችን በመጠንቀቅ መንገዶቹን ይጠቀሙ፡፡ 
  
• ወደ ጉድጓዶች፣ ዋሻዎች፣ ህንጻዎች፣ ወዘተ አትቅረቡ ወይም አትግቡ። ከገደል ጫፍ ይራቁ። ወደ አለት መውጣት እና መደፈር የተከለከለ ነው።
  
• ወደ ውሃ ቦታዎች አይግቡ ወይም ከውሃው አይጠጡ፡፡
  
• ከእሳት እንጠንቀቅ፡፡ ለዚሁ ዓላማ በተዘጋጁ ቦታዎች ብቻ ካልሆነ በቀር እሳት አይለኩሱ፡፡ ስትጨርሱም እሳቱ ሙሉ ለሙሉ እንደጠፋ ያረጋግጡ፡፡
  
• ደኑን በንጽህና ይጠብቁ፡፡ ቆሻሻዎችን በተዘጋጀላቸው ቦታዎች ላይ ብቻ በመጠቀም ያስወግዱ ወይም ከእርስዎ ጋር ይዘው ይሂዱ፡፡
  
• የራስዎን መንገድና አቅጣጫዎችን መፍጠር፣ የትኛውንም አይነት ምልክቶችን ማስቀመጥ ወይም የትኛውንም አይነት አገልግሎቶችን መገንባት የተከለከለ ነው፡፡
   
• ደኑና እና በውስጡ ያሉ አገልግሎቶች በሙሉ ለእርስዎ ታስበው የተዘጋጁናቸው፡፡ ስለዚህ የዱሩን ሕይወት፣ እጽዋቶችንና የደኑን አካባቢ ይጠብቁ፡፡
  
• አስፈላጊ ካልሆነ በስተቀር ከጨለማ በኋላ በጫካ ውስጥ መቆየት የተከለከለ ነው ተገቢው የደህንነት እርምጃዎች ካልተወሰዱ በቀር፡፡

የእስራኤል ግዛት በርካታ ፈንጂዎችን እንደያዘ ማወቅ ለእርስዎ አስፈላጊ ነው, ይህም ለጎብኚዎች አደጋን ያመጣል፡፡ ፈንጂዎች ከማህበረሰቦች፣ ከእርሻ መሬት ወይም ከታዋቂ የእግር ጉዞ መንገዶች ጋር አቅራቢያ ላይ ሊገኙ ይችላሉ። የታጠሩ እና በግልጽ ምልክት የተደረገባቸው ናቸው፡፡
 
አንዳንድ ጊዜ ፈንጂዎች ከተከለሉት ፈንጂዎች አጠገብ ባሉ ቦታዎች ላይ ሊገኙ ይችላሉ፡፡ ባለፉት ዓመታት ፈንጂዎች አንዳንድ ጊዜ ከተከለሉት ቦታዎች ታጥበው ወደማይታወቅ ቦታ ይሄዳሉ። እንደዚህ አይነት ሰፋፊ መሬቶችን ማጠር የማይቻል በመሆኑ, እነዚህ ቦታዎች በታዋቂ ምልክቶች ብቻ የተሰየሙ ናቸው፤ ስለዚህ በውስጣቸው ያለው እንቅስቃሴ በተወሰነላችሁ መንገዶች ላይ ብቻ የተገደበ ነው፡፡
 
እባክዎ የሚከተሉትን የደህንነት ማስጠንቀቂያዎችን ይመልከቱ

• እየተራመዱ፣ ሳይክል እየነዱ ወይም የትኛውንም መኪና ሲጠቀሙ ለራስዎ ደህንነትና ከተፈጥሮ አንጻር እባክዎ የተመረጡመንገዶችን ብቻ ይጠቀሙ፡፡
  
• በግልጽ ከተፈቀዱ ቦታዎች በስተቀር አጥሮችን አይዝለሉ፡፡ የታጠረ ቦታ አጋጥምዎታል? በፍጹም ወደ ውስጥ አይግቡ፡፡
  
• በጉዟችሁ ላይ እንግዳ የሆነ፣ አጠራጣሪ ወይም ግልጽ ያልሆነ ነገር ካጋጠምዎ፤ በፍጹም አይንኩት፡፡ ምናልባት ከፈንጂዎች የቀረ ሊሆን ይችላልና፡፡
  
• የተሳሳተ መንገድ ከመረጡ እና ፈንጂ ወዳለበት ወደሚጠረጠር አካባቢ ከገቡ፤ እዛው ይቁሙና የጥበቃ አካላትን ወይም ፖሊሶችን ደውለው ይጥሩ፡፡
  
• የሚጠረጠሩ ቦታዎችን እንዴት መለየት ይቻላል; በአጥር የታጠረና በቢጫ ቀለም መደብ ላይ ቀይ የሶስት ማዕዘን ምልክት ያለበት ነው፡፡
  
• ፈንጂ በሚገኝበት ቦታ ላይ የሚገኙ የስነምግባር ደንቦች በእስራኤል የመከላከያ ሚኒስቴር ማዕድን ማስወገድ ባለስልጣን የቀረቡ ናቸው።